InicioPOLÍTICAA vía provincial de Meiro converterase nunha estrada con senda peonil

A vía provincial de Meiro converterase nunha estrada con senda peonil

Publicado o

O alcalde explicará o proxecto hoxe nun encontro coa veciñanza na Casa da Aldea de Meiro ás 19.00 horas

A seguridade viaria e a accesibilidade serán dous dos eixes do proxecto de mellora da estrada EP-1306, que conecta A Portela con Ermelo, tal e como explican desde o goberno local. Precisamente, o alcalde, Félix Juncal, manterá hoxe un encontro coa veciñanza para explicar os avances na tramitación desta actuación, para a que se solicitou a transferencia da vía.

Desde o goberno local cualifican esta actuación como “prioritaria” e apuntan a que a idea é construír unha plataforma única para peóns e vehículos con pavimentos diferenciados no primeiro tramo da estrada, onde se concentra o maior núcleo poblacional.

Proxecto para a mellora da seguridade viaria na estrada. Imaxe: Concello.

Con esta actuación acometeríase o arranxo da estrada, á que se engadiría unha senda peonil de 2.5 metros de largura para reducir a velocidade nunha franxa de 1.2 quilómetros, desde a intersección da vía de Meiro coa PO-551 ata as inmediacións da Casa da Aldea. Tamén se apostará polo emprego de materiais tecnicamente máis amables e respectuosos co medio ambiente.

ÚLTIMAS

O BNG demandará no Parlamento galego que a Xunta “se faga cargo” da renovación de Pazos Fontenla

A líder do Bloque, Ana Pontón, visitou onte Bueu para coñecer a situación das...

Cela recupera a Festa da Xuventude

A Asociación Xuventude de Cela vén de presentarse publicamente na súa vontade de recuperar...

Unha alfombra floral para reivindicar a paz

Bueu sumouse este Domingo de Ramos á petición global de paz lanzada por Infioritalia....

Meiro prepara o Encontro do Millo Corvo cunha programación “moi diversa”

Meiro acollerá do 14 ao 16 de abril a súa festa gastronómica por excelencia,...