InicioSOCIEDADEA Xunta licita por preto de 330.000 euros as obras de construción...

A Xunta licita por preto de 330.000 euros as obras de construción dunha beirarrúa na Achadiza

Publicado o

A Concellería de Infraestruturas e Mobilidade licitou hoxe por importe de 327.617 euros as obras de mellora da seguridade viaria na PO-315, ao seu paso por Beluso, e que inclúen a construción dunha beirarrúa entre Achadiza e A Rúa Nova de Abaixo.

A Plataforma de Contratos Públicos de Galicia recolle hoxe o inicio desta contratación, á que as empresas interesadas poderán presentar ofertas ata o 12 de decembro. Os traballos, que teñen un prazo de execución de 6 meses, contemplan a construción dunha beirarrúa de formigón de 600 metros de lonxitude pola marxe esquerda da vía.

Proxecto de construción da beirarrúa.

Así mesmo, ampliarase a plataforma da estrada e serán instaladas paradas de autobús con refuxios en ambos laterais da vía. A actuación tamén prevé a estabilización dun noiro, mellorar a drenaxe e renovar a capa de rodaxe nas zonas da estrada con firme deteriorado.

A Xunta destinará un investimento total de 340.000 euros, que inclúe o pagamento dos oito predios necesarios. A previsión que manexan é convocar o levantamento de actas previas das expropiacións no último trimestre deste ano, para a súa execución no 2023. As actuacións serán financiadas con fondos europeos REACT-EU, de resposta fronte á pandemia da covid.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...