O Bueu Atlético Balonmán súmase ás reivindicacións da veciñanza ante as “deficiencias no servizo de atención sanitaria pediátrica”. Por ese motivo, o club organiza un acto simbólico no que a cativada depositará un voto nunha urna electoral demandado pediatras.

O acto será este sábado durante o descanso do encontro da categoría 1ª Nacional Sénior Masculina ás 19.00 horas no pavillón Pablo Herbello, e que enfrontará aos equipos Bueu Atlético Balonmán e Balonmano Reconquista de Vigo. A iniciativa xa foi trasladada ás ANPAs e direccións dos centros educativos de Bueu.