Familias de Bueu denuncian a situación do centro de saúde da vila, que se atopa actualmente sen servizo de pediatría. Así, advirten de que a moitos bebés non se lle puido facer a revisión pediátrica correspondente e que os nenos e nenas en proceso de vacinación tampouco puideron ser vacinados.

“Ningún neno e nena de Bueu ten agora mesmo acceso a atención pediátrica na vila, desde hai máis dunha semana”, explican desde a veciñanza, á vez que sinalan que pasaron de ter dúas pediatras a non ter ningunha e descoñecen a solución á situación. Explican que as dúas pediatras están de baixa e non hai cobertura dos seus postos, así como instruccións para derviar aso pacientes a outros municipios para ser atendidos.

“O persoal sanitario está facendo todo o que pode, pero por agora non obtén resposta con unha solución por parte dos organismos correspondentes”, afirman. Por ese motivo, piden á veciñanza que poña reclamacións continuas a través dunha reclamación en papel no Centro de Saúde ou a través da aplicación Sergas Mobil.