InicioMEDIO AMBIENTEComeza a campaña de control da velutina co reparto de trampas á...

Comeza a campaña de control da velutina co reparto de trampas á veciñanza

Publicado o

Os actos, nos que se repartirá material para as trampas, serán entre finais de febreiro e comezos de marzo nas tres parroquias

O Concello de Bueu e Asociación Galega de Apicultura retoman un ano máis a colaboración anual para loitar contra a vespa velutina. Como xa vén sendo habitual, haberá actos públicos nas tres parroquias para repartir material á veciñanza, tanto para as trampas instaladas ata este ano así como para outras novas.

Os encontros comezarán o 27 de febreiro na Casa do Pobo de Beluso e continuarán o día 28 na Casa da Aldea de Meiro, o 2 de marzo no Centro Sociocultural de Cela e o 3 de marzo no Centro Social do Mar. Todos os actos serán ás 20.30 horas e desde o colectivo de apicultores inciden na necesidade de que a cidadanía se conciencie e inicie a colocación de trampas para evitar a proliferación de niños. Ademais, para recoller o material recoméndase levar unha bolsa para evitar o uso innecesario de plástico.

Reparto de trampas nun dos actos da anterior campaña de control da velutina. Imaxe: Concello.

Os obxectivos desta campaña pasan por diferenciar a vespa velutina da vespa crabo (un insecto autóctono), estudar os medios empregados no control da velutina e analizar os tipos de trampas, así como o seu reparto

O edil de Medio Ambiente, Xosé Leal, anima á veciñanza a participar un ano máis neste programa. “Está demostrando que as trampas reducen nunha ampla proporción a proliferación de niños, por iso temos que incidir na prevención máis ca na retirada”, sinala.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...