O escritor e xornalista bueués Salvador Rodríguez foi o encargado de abrir os coloquios da actividade “A biblioteca de…”. O encontro tivo lugar na Sala Multiusos do Centro Social do Mar e estivo dirixido polo bibliotecario municipal, José Ramón Núñez. Alí, Salvador Rodríguez conversou ante o público dos libros que marcaron a súa experiencia vital, os que recorda da súa infancia ou os que máis lle impactaron.

A actividade, organizada pola concellaría de Arquivo e Bibliotecas persegue fomentar as conversas arredor da experiencia lectora e da biblioteca persoal. Así, o público pode coñecer os libros que se cruzaron na vida das persoas convidadas.

A seguinte cita será o 21 de febreiro con María Inés López, crítica literaria e fundadora da canle de youtube “De cuatro hojas”. O ciclo continuará o 21 de marzco con Xosé Bangueses, fundador da Libraría Abrente e con experiencia no mundo editorial. O ciclo péchase o 18 de abril con Salvador Castro, profesor e moi relacionado co mundo da cultura.