InicioSUCESOSCondenado a 5 anos de prisión un veciño de Bueu por traficar...

Condenado a 5 anos de prisión un veciño de Bueu por traficar con cocaína e haxix

Publicado o

No escrito de acusación relátase que cando o acusado foi detido confiscáronlle nun rexistro do seu domicilio uns dous quilos cocaína valorada en 170.000 euros e catro quilos de resina de cannabis.

A Audiencia Provincial de Pontevedra condenou este martes a un veciño de Bueu a unha pena de cinco anos de prisión como autor dun delito contra a saúde pública na súa modalidade de tráfico de drogas, por traficar con cocaína e haxix.

O xuízo resolveuse mediante un acordo de conformidade en virtude do cal o acusado recoñeceu a autoría de todos os feitos polos que estaba acusado, polo que a Fiscalía rebaixoulle a súa petición de condena que inicialmente era de oito anos de cárcere e impónselle unha multa de 150.000 euros, sendo a petición inicial de de 680.000 euros de multa.

Audiencia Provincial de Pontevedra.

O representante do Ministerio Público tamén tivo en conta as atenuantes de colaboración coa xustiza e a adicción ás drogas do procesado no momento dos feitos.Ademais, o acusado, de 33 anos de idade, que permanece en prisión provisional desde o seu arresto o 4 decembro de 2021, poderá saír de prisión suspendéndose o resto da condena se demostra que está a se someter con éxito ao seu proceso de desintoxicación das drogas.

No escrito de acusación da Fiscalía relátase que cando o acusado foi detido pola Garda Civil confiscáronlle nun rexistro do seu domicilio uns dous quilos cocaína valorada en 170.000 euros e catro quilos de resina de cannabis valorada en 26.000 euros.Ademais, dispuña de efectos relacionados coa manipulación dos estupefacientes como unha envasadora ao baleiro ou unha báscula de precisión e tiña un cartafol con anotacións de nomes e números ademais de 6.000 euros en efectivo. A sentenza é firme e contra ela non cabe recurso.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...