InicioCULTURAUn ciclo para descubrir as bibliotecas íntimas de catro bueueses e bueuesas

Un ciclo para descubrir as bibliotecas íntimas de catro bueueses e bueuesas

Publicado o

Cal foi o libro que máis lle impactou ler? O primeiro que recorda? Estas serán algunhas das preguntas ás que se terán que enfrontar as persoas protagonistas do ciclo “A biblioteca de…”. A iniciativa, creada polo bibliotecario municipal de Bueu, José Ramón Núñez, e organizada pola concellaría de Arquivo e Bibliotecas, persegue fomentar as conversas arredor da experiencia lectora e da biblioteca persoal dos participantes, vinculados á vila.

O edil de Arquivo e Bibliotecas, Alberto Moital, xunto ao bibliotecario, José Ramón Núñez, na presentación da actividade.

As charlas terán lugar os martes e o programa comeza o vindeiro 24 de xaneiro coa presenza de Salvador Rodríguez, escritor e xornalista cultural en Faro de Vigo. O 21 de febreiro será a quenda de María Inés López, crítica literaria e fundadora da canle de YouTube “De cuatro hojas”. A terceira conversa será o 21 de marzo con Xosé Bangueses, fundador da libraría local Abrente e con experiencia no mundo editorial. O ciclo rematará o 18 de abril con Salvador Castro, profesor e moi relacionado co mundo da cultura.

Tal e como sinalou esta mañá o bibliotecario, José Ramón Núñez, a idea naceu antes da pandemia. “O obxectivo é que o público poida analizar de que forma os libros se cruzan na vida das persoas”, explicou. Pola súa parte, o edil da área, Alberto Moital, apuntou a que “este ciclo serve para retomar o pulso da programación anual das bibliotecas, que se freou por motivo da pandemia e do traslado da biblioteca ante as obras de ampliación”.

As actividades serán ás 20.30 horas na Sala Multiusos do Centro Social do Mar e están abertas a toda a veciñanza para establecer un diálogo arredor dos libros e do papel que xogan nas vidas.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...