InicioSOCIEDADEA ilusión dos Reis Magos desembarca en Bueu

A ilusión dos Reis Magos desembarca en Bueu

Publicado o

A ilusión renóvase cada ano e así ocorreu en Bueu esta mañá cando os Reis Magos desembarcaron no peirao tras unha longa viaxe desde Oriente e que remataron a bordo dunha embarcación tradicional, como xa vén sendo habitual nos últimos anos. Melchor, Gaspar e Baltasar foron recibidos por rapaces e rapazas que non quixeron perder a oportunidade de atoparse coas súas Maxestades de Oriente a primeira hora deste día máxico.

A continuación, os Reis Magos realizaron un percorrido repartindo caramelos por diferentes lugares como a Praza de Abastos, o mercado ou establecementos antes de dirixirse á Carpa das Lagoas. Alí está tendo lugar o recibimento oficial que ten previsto rematar ás 13.30 horas e onde a cativada pode entregar as súas cartas e coñecelos máis de preto.

Pola tarde, a Cabalgata de Reis terá saída ás 17.30 horas desde o estaleiro e percorrerá as rúas Montero Ríos, Francisco Escáneo, Pazos Fontenla, Castelao e Eduardo Vincenti. O percorrido rematará na praza do Concello cun espectáculo de fogos de artificio.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...