O PP de Bueu organizou durante as últimas semanas unha recollida de alimentos que agora vén de entregar a Cáritas. A voceira popular, Elena Estévez, fixo entrega esta mañá esta colaboración de alimentos na sede da organización, xunto a outros membros do PP local.

“Hai que seguir contribuíndo como sociedade para que todas as familias poidan pasar as festas nas mellores condicións”, declarou Estévez. Tamén agradeceu o labor desta organización que actualmente axuda a máis de 70 familias da vila. Estévez lembrou que este xoves se celebrará diante da sede de Cáritas o sorteo dunha cesta doada polo PP e cuxa recadación será destinada a accións durante todo o ano.