O Centro Social do Mar acolle este venres a presentación de “Nada que perder”, a nova novela da escritora pontevedresa Susana Fortes. O acto, organizado por Libraría Miranda, comezará ás 19.00 horas e contará coa participación da propia autora e de Lara Vidal.

“Nada que perder” é unha novela de misterio ambientada en Galicia e na que se mesturan diversas cuestións como os segredos e relacións familiares, a relevancia da verdade ou os tabús da sociedade. Fortes é unha recoñecida escritora e no 2003 a súa obra “El amante albanés” foi finalista no Premio Planeta. Algunhas das súas publicacións máis recentes son “El amor no es un verso libre”, “Septiembre puede esperar” ou “Tal como éramos”.