InicioPOLÍTICABNG e ACB piden que se cubran as baixas en pediatría

BNG e ACB piden que se cubran as baixas en pediatría

Publicado o

Os grupos municipais de BNG e ACB presentan unha emenda conxunta á moción do PSOE sobre a situación do PAC de Bueu para o seu debate na comisión informativa. Os partidos que conforman o goberno local solicitan que na moción tamén se inste ao Sergas a cubrir de xeito eficaz as baixas en pediatría. Demandan á vez un “protocolo claro” para a atención en Bueu das familias e que non “afecte nin sature” ao PAC nin as urxencias hospitalarias.

Desde BNG e ACB alertan sobre situacións como a vivida o pasado xoves cando non había ningún profesional de pediatría no centro de saúde para atender á cativada dos dous existentes. “Demostra as eivas coas que conta a atención primaria no noso centro de saúde pola falta de persoal”, indican.

Un cartel que indica a falta de pediatra no Centro de Saúde de Bueu.

Ambas formacións sinalan que houbo casos nos que en días anteriores foran atendidos no PAC e nos que se lle recomendaba pedir cita de urxencia ao seu pediatra, que non dispoñía de ocos ata o 11 de decembro. “Ao chegar non puido ser revisada por outro profesional, volvéndoselle a remitir que asistira ao PAC ou ás urxencias de pediatría do Hospital Provincial”, explican. BNG e ACB afirman que non se trata “dun feito illado” e que afecta á atención pediátrica a nivel local e da área sanitaria, como ao propio funcionamento do PAC.

Outros dos problemas existentes pasan pola cancelación de citas xa dadas ante a falta de profesionais. Ante todo isto, os grupos piden que se artellen sistemas desde o Sergas para cubrir de xeito eficaz as baixas en pediatría así como o establecemento dun protocolo para a atención en Bueu das familias.

A moción do PSOE reclama ao Sergas a cobertura das baixas e vacacións do persoal médico do PAC de Bueu así como a mellora das condicións do servizo de fisioterapia, cun incremento do persoal. Tamén insta a ampliar a Bueu o servizo de liña directa de autobús que existe entre Montecelo e Marín.

ÚLTIMAS

Meiro prepara o Encontro do Millo Corvo cunha programación “moi diversa”

Meiro acollerá do 14 ao 16 de abril a súa festa gastronómica por excelencia,...

O PP denuncia a “falta de limpeza” na contorna do CEIP A Torre-Cela

"Un alcalde que faí oídos xordos ás peticións da veciñanza e pon unha venda...

A transformación do antigo cemiterio cinco décadas despois

O antigo cemiterio de Bueu, na contorna da Igrexa de San Martiño e clausurado...

A obra de acceso ao peirao de pasaxeiros, co recheo de cemento na praia, “carece de permiso” de Costas

O Servicio Provincial de Costas de Pontevedra vén de confirmar a Anduxía que a...