Catro persoas foron trasladadas ao Punto de Atención Continuada ao resultar intoxicadas por inhalación de fume despois de declararse un incendio nunha casa da vila provocado por un electrodoméstico.

Segundo informou o CIAE 112 Galicia, o incidente produciuse ás 05,00 horas deste venres nunha vivenda do lugar da Graña, onde acudiron os efectivos dos bombeiros e os profesionais sanitarios.

Finalmente, a intervención dos equipos de extinción non foi necesaria, xa que os inquilinos da vivenda lograron sufocar as chamas antes da súa chegada. Con todo, o catro ocupantes da casa requiriron atención sanitaria.