InicioMEDIO AMBIENTEEscolares do CEIP A Pedra transforman en arte os refugallos do mar

Escolares do CEIP A Pedra transforman en arte os refugallos do mar

Publicado o

Converter en arte aquilo que o mar devolve. Ese é o obxectivo do obradoiro de “artivismo” no que cincuenta escolares de 6º de primaria do CEIP A Pedra participaron este luns e mércores. A actividade organízase entre o Fondo Galego de Cooperación e Solidariedade, da que forma parte o Concello de Bueu, e a Fundación Vicente Ferrer.

Alumnado do CEIP A Pedra que participou na actividade. Imaxe: Concello.

A cativada comezou a actividade o luns, cando se trasladaron á praia da Banda do Río para retirar aqueles refugallos, restos de diferentes obxectos, que acaban no mar e, tras isto, nos areais. Despois tivo lugar a limpeza e seca dos plásticos na Sala Amalia Domínguez Búa. Onte foi a quenda da creación artística e o alumnado regresou á sala para realizar diversas obras de arte.

Rapaces e rapazas retirando refugallos da praia da Banda do Río. Imaxe: Concello.

Desde o Concello sinalan que o Fondo Galego de Cooperación e Solidariedade está formado por “unha sólida rede de administracións locais comprometidas cos Dereitos Humanos e coa erradicación das desigualdades a nivel global”. Por exemplo, o Fondo vén de apoiar na India un proxecto de vivenda para familias vulnerables, liderado pola Fundación Vicente Ferrer, e que tamén está vencellado coa xestión de residuos.

ÚLTIMAS

Meiro prepara o Encontro do Millo Corvo cunha programación “moi diversa”

Meiro acollerá do 14 ao 16 de abril a súa festa gastronómica por excelencia,...

O PP denuncia a “falta de limpeza” na contorna do CEIP A Torre-Cela

"Un alcalde que faí oídos xordos ás peticións da veciñanza e pon unha venda...

A transformación do antigo cemiterio cinco décadas despois

O antigo cemiterio de Bueu, na contorna da Igrexa de San Martiño e clausurado...

A obra de acceso ao peirao de pasaxeiros, co recheo de cemento na praia, “carece de permiso” de Costas

O Servicio Provincial de Costas de Pontevedra vén de confirmar a Anduxía que a...