InicioSOCIEDADEA Asociación de Mulleres Rurais participa nun obradoiro de xestión emocional

A Asociación de Mulleres Rurais participa nun obradoiro de xestión emocional

Publicado o

A Asociación de Mulleres Rurais Mar e Agro de Bueu comezou onte un obradoiro de terapia emocional, centrado na positividade e na canalización das emocións. A cita, que tivo lugar na Sala Amalia Domínguez Búa, contou coa participación de máis de quince mulleres así como coa presenza da deputada provincial de Cohesión Social, Olga García e o edil de Cultura, Xosé Leal.

Este curso enmárcase dentro do programa “Depo en marcha” da Deputación de Pontevedra, cuxo obxectivo é favorecer o envellecemento activo das persoas maiores coa participación en obradoiros temáticos.

Encontro de asociacións de mulleres

Nesta liña, esta fin de semana Bueu acollerá un encontro de asociacións de mulleres da provincia de Pontevedra e Ourense, organizado pola Federación pola Igualdade das Mulleres da Provincia de Pontevedra (Femupo). O evento persegue abrir camiños cara o cambio xeracional na loita asociativa pola igualdade de xénero.

As xornadas comezarán o venres cunha cea de confraternización no restaurante Posada Lapamán. O sábado está previsto unha xornada repleta de actividades que inclúe unha visita ao Museo Massó e o centro da vila e unha actividade de risoterapia na praia. Pola tarde, está programado un paseo en barco entre as bateas da ría de Pontevedra sobre o proceso do cultivo do mexillón.

Pola súa parte, o domingo desenvolveranse as actividades abertas ao público no Centro Social do Mar. Ás 11.00 horas haberá un coloquio sobre o cambio xeracional na loita pola igualdade, coa presenza de Pilar Otero, da Asociación de Mulleres da Ría de Pontevedra e Patricia López, en representación de Amei Vigo. Tras isto, presentarase o libro “Proteger es mi deber. El honor mi divisa” escrito por Milagros Domínguez e editado por Femupo.

ÚLTIMAS

Beluso acolle a segunda edición do Trail do Nocedo con récord de participación

O pavillón de Beluso acolleu esta mañá a presentación da segunda edición do Trail...

Denuncian o recheo de cemento de 80 metros cadrados da praia da Banda do Río nas obras de Portos

A asociación ecoloxista de Bueu Anduxía vén de expresar o seu "malestar e sorpresa"...

Continúan as reivindicacións pola falta de pediatras e o Sergas anuncia a colaboración “voluntaria” de seis especialistas

A área sanitaria de Pontevedra e O Salnés informou de que reorganizaron a cobertura das...

O PP cuestiona que o goberno “escurra o vulto e non arranxe” os problemas do pavillón de Bueu

"Unha mostra máis da decadencia e da falta de interese do BNG e de...